فيك يا غربة كم قاسيت   
كم عانيت وتهت سنين      
أغالب ديمة في الايام       
عشان القاك يا حلوة       
وتتفجر مشاعرى حنين     
كتير بشتاق واروح اسال   
وافتش بين عيون حلوين  
أتوه في زحمة الدنيا       
وخطاي تضيع مع الوافدين  
       واعاين في صفا الايام
أقول إمكن بتطلعي من فرح وحدين
وما صدقت يوم القاك زي حلماً   
معاي في الغربة برضو سجين
أتاريكى بتطلعى إنتى من جواى
ومن قلباً في داخلي حزين
ومن امواج عيون طفلة   
أنفسها عبير ربى النيلين
ندية معطرة بى شذى الياسمين
بتعلن بكرة ميلادنا
وأجيك في الحال مع العايدين
تنور بكرة حارتنا
وفيها يتم زفاف عاشقين
واضمك لي بلهفة وشوق وحنين
واشيلك فوق رموش العين 
لانك انت لى وطن وحلماً فيك عشقته سنين وبعدك تانى لاغربة وحاتك ليها ما راجعين وتكون الغربة لي عينيك أسافر فيها ما ارجع